Eigenutvikla utstyr for prøvetaking av havbotnen

Gjennom utviklinga av vår eiga prøvetakarklokke har Eidesvik Havfiske no kapasitet til å ta prøvar av havbotnen heilt utan innleigt utstyr. Teknologien er grundig testa og klar for oppdrag.

Prøvetakarklokka er per i dag tilrettelagd for stålrøyr på fire meter, og blir montert på skutesida og dekk før kvart oppdrag. Lengda på røyret kan endrast etter behov. Klokka blir styrt av hydrauliske stempel inn, ut og sideveges, og sender ut røyr som blir sleppte ned mot havbotnen. Loddet som blir brukt under arbeidet veg enten 1000 eller 1200 kilo, og blir låst hydraulisk..

Utstyret er utvikla for mjuk havbotn som består av mudder og leire. Når botnprøvane er trygt henta opp, blir dei oppbevarte for vidare analyse av fagfolk.

Me har brei erfaring frå denne typen operasjonar, og har utført prøvetakingsoppdrag i både Barentshavet, Norskehavet, Nordsjøen og i farvatnet vest av Irland.